Hera e parë në 6 vjet, Neymar braktis Karnavalet e Rios

Një futbollist profesionist, por që gjatë sezonit ka bërë gjithmonë dy pauza të panegociueshme.

Më 5 shkurt, kur feston ditëlindjen dhe kur merr pjesë në karnavalet e Rio de Zhaneiros. Por, situata ka ndryshuar, mbi të gjitha pas polemikave të shumta për festën e fundit të ditëlindjes.

Tashmë, për herë të parë në 6 vjet, Neymar nuk do të jetë i pranishëm në karnavale. Konfirmimi u dha nga ylli brazilian, nëpërmjet një video në rrjetet sociale, ku sulmuesi shprehej se për të evituar polemikat, nuk do të udhëtonte drejt Rio de Zhaneiros.

Lëndimet që Neymar pësonte në këtë periudhë ishin gjithmonë misterioze, aq më tepër që lojtari udhëtonte menjëherë drejt Brazilit dhe shfaqej në festën më të madhe të vendit latin. (A2 Televizion)