Afirmi i Leo Messit te Paris Saint Germain ka gëzuar shumë prej futbollistëve parisienë që do të kenë mundësinë të luajnë përkrah tij por diçka e tillë nuk mund të thuhet për Kilian Mbappe.
Yllit francez në shkëlqim e sipër nuk e tërheq aspak lënia në hije apo ideja e kalimit në plan të dytë që mund të sjellë gjashtë herë fituesi i Topit të Artë, ndaj dhe për këtë arsye i ka bërë të qartë klubit se nuk dëshiron të rinovojë kontratën dhe kërkon të transferohet te Real Madrid.
Kërkesa e 22-vjeçarit gjithsesi nuk është marrë parasysh nga drejtuesit, të cilët nuk kanë ndërmend të lënë të lirë asetin e tyre edhe pse pas një viti mund ta humbasin atë me parametra zero.
Presidenti Al Khelaifi i ka kujtuar sulmuesit kontratën e nënshkruar 4 vite më parë dhe pjesën në të cilën palët kanë rënë dakord se nuk do të ketë gjatë kësaj periudhë asnjë prishje të njëanshme të kontratës.
Me duart e lidhura, Mbappe nuk ka ndërmendtë shpallë luftë ndaj klubit por i mbetet të presë për 1 vit dhe pas përfundimit të kontratës asgjë nuk mund ta ndalë në realizimin e ëndrrës së tij të madhë, kalimin në radhët e Galaktikëve, të cilët po e presin gjithashtu me padurim. (A2 Televizion)
A2 CNN Livestream
MUND TE LEXONI GJITHASHTU
