Infografika: Pjesëmarrja në zgjedhjet e 6 marsit

Pjesëmarrja në zgjedhjet e pjesshme të 6 Marsit rezulton deri në këto momente ndjeshëm më e ulët se sa në ato të shkuarat, të 25 Prillit 2021.

Kjo për faktin se në Prill qytetarët i drejtoheshin kutive për të zgjedhur se kush do të qeveriste, ndërsa sot për të caktuar emrat e kryebashkiakëve që do të drejtojnë për vetëm 1 vit 6 bashkitë në garë.

Durrësi rezulton bashkia me rënien më të fortë të pjesëmarrjes, ndërsa edhe në Vorë dhe Shkodër qytetarët janë masivisht më të paktë në qendrat e votimit.

Në Lushnjë dhe Dibër diferenca është më e vogël. Ndërsa bashkia e vetme ku pjesëmarrja është thuajse e njëjtë me vitin e kaluar është Rrogozhina.

Projeksionet llogarisin një dalje të përgjithshme në zgjedhje 15-25% më pak se më 25 Prill, por theksohet se edhe në këto momente, për pjesën më të madhe të bashkive, është tejkaluar numri i votuesve në zgjedhjet e vitit 2019. (A2 Televizion)