Eridian Salianji, përfaqësues ligjor i Partisë Socialiste në Komisionin Qendror të Zgjedhjeve, theksoi se pamundësia e Partisë Demokratike për të gjetur anëtarë komisioni në Vorë nuk është shkelje e ligjit.
“Kjo problematikë e ka gjetur zgjidhjen nga vendimi i Komisionerit, por ende PD-ja mund të dërgojë anëtarët e saj. Gjithsesi, tashmë procesi është ligjor, me 5 anëtarë. Për Bashkinë e Vorës do të ketë një numërim shumë të shpejtë, pasi procesi është elektronik”, tha Salianji.
Në lidhje me paralajmërimin e nënkryetares së PD-së, Jorida Tabaku, për padi ndaj komisionerëve socialistë të Vorës, Salianji theksoi: “Nuk e kuptoj pse bëhet kjo padi. Nëse ka pasur shpërdorim në këtë proces, ka qenë shkelja e heshtjes zgjedhore që ka bërë zonja Tabaku me deklaratat e saj. Kallëzimin nuk kanë pse ta bëjnë, është alogjik. Ata duhet të dërgojnë komisionerët dhe kaq”.
Partia Demokratike ka depozituar në KQZ kërkesën për thirrjen e një seance publike të komisionerit shtetëror të zgjedhjeve për situatën në qendrat e votimit në Vorë. Sipas PD-së, në 22 qendra votimi, Partia Demokratike nuk është e përfaqësuar, ndërsa në 22 të tjerat janë të përfaqësuar nëpërmjet sekretarit të qendrës së votimit. (A2 Televizion)
A2 CNN Livestream
MUND TE LEXONI GJITHASHTU
