Policia e Shtetit ka njoftuar finalizimin e një operacioni ndërkombëtar, për lirimin e një personi të marrë peng. I koduar “Pengu”, operacioni u zhvillua nga Policia e Shtetit, në bashkëpunim me Metropolitan Police dhe asistencën e NCA-së Britanike.
“Shkëmbimi në kohë i informacionit bëri të mundur gjetjen dhe lirimin e 30-vjeçarit nga Shqipëria, i cili ishte marrë peng në Angli, nga shtetas shqiptarë te evidentuar si persona me rekorde kriminale ne Angli. Policia britanike ka vënë në pranga 7 shtetas shqiptarë dhe vijon operacioni për kapjen e shtetasve të tjerë të përfshirë në këtë veprimtari kriminale”, lexohet në njoftimin e Policisë së Shtetit, që thekson se në këmbim të lirimit të 30-vjeçarit kërkoheshin 400 000 paundë.
Operacioni është në vijim dhe për këtë arsye nuk bëhen publike të dhënat e personit të marrë peng dhe të personave të arrestuar, deri në përfundim të operacionit. (A2 Televizion)
A2 CNN Livestream
MUND TE LEXONI GJITHASHTU
