Është mbajtur ditën e premte kampionati kombëtarë i peshëngritjes, ku ka triumfuar shkodrani Erkand Qerimaj, i cili u shpall kampion në peshën 81 kilogramë.
Qerimaj arriti të ngrejë 157 kilogramë në stilin e shkëputjes dhe 187 kilogramë në shtytje. Rezultati i lartë i arritur në këtë kampionat e shpalli atë dhe sportistin më të mirë në të gjitha peshat në këtë kampionat kombëtar.
Ky është një ogur i mirë për Kampionatin Botëror që zhvillohet në Tajlandë, i cili është kualifikues për Lojërat Olimpike.
“Falenderoj familjen time dhe trajnerin tim Zef Kovaci dhe të gjithë ata që më ndihmojnë në arritjet e mija për mbështetjen! Presidentin e Federatës Theodhor Masllavica, Shefin e Klubit të Tiranës Pirro Koleka, Bashkinë Tiranës dhe Kryetarin Erion Veliaj”, shkroi në një postim në rrjetet sociale pas suksesit peshëngritësi shkodran. (A2 Televizion)
A2 CNN Livestream
MUND TE LEXONI GJITHASHTU
