Ministria e Jashtme në Kinë tha se presidenti amerikan Donald Trump po mashtron opinionin publik dhe se po përpiqet të diskreditojë Kinën, duke aluduar në letrën dërguar OBSH-së se kjo organizatë varet nga vendimmarrja e Pekinit zyrtar.
Sipas Pekinit zyrtar letra e Donald Trump synon të zhvendosë vëmendjen nga keqmenaxhimi i pandemisë nga ana e Shteteve të Bashkuara.
Lidhur më kërcënimin e Trump për të ndërprerë fondet ndaj OBSH-së ka reaguar edhe Bashkimi Europian. Përmes një zëdhënësi unioni thekson se mbështet bashkëpunimin ndërkombëtar dhe zgjidhjet multilaterale në krizën e lidhur me pandeminë.
“BE mbështet OBSH-në dhe përpjekjet e organizatës për të frenuar pandeminë. Është momenti për solidaritet, e jo për të minuar bashkëpunimet shumëpalëshë”, thuhej në reagimin e Komisionit Europian. (A2 Televizion)
A2 CNN Livestream
MUND TE LEXONI GJITHASHTU
