Komisioni i Ligjeve nis të hënën shqyrtimin e Kodit Zgjedhor. Ligji i zgjedhjeve duhet të përshtatet me ndryshimet kushtetuese të 30 korrikut, që parashikojnë ndër të tjera dhe hapje të listave të kandidatëve për deputetë.
Aktualisht, në Kuvend janë depozituar 3 variante. Ai i socialistëve parashikon që për të ndryshuar renditjen e paracaktuar nga kryetari, kandidati duhet të grumbullojë vota nominale, minimalisht sa mesatarja e atyre që partia e tij ka marrë për të siguruar një mandat deputeti në atë qark.
Opozita parlamentare, nga ana tjetër ka 2 variante të ndryshme. Një të Andi Përmetit dhe një të një grupi deputetësh me ne krye Myslim Murrizin dhe Rudina Hajdarin.
Sipas këtij varianti, kryetari i partisë mund të pozicionojë 1/3 e kandidatëve, ndërsa pjesa tjetër renditen në listë sipas votave që marrin nga elektorati. Me opozitën parlamentare negocimi bëhet në Këshillin Politik, ndërkohë që më 1 tetor është përcaktuar votimi në seancë i Kodit. (A2 Televizion)
A2 CNN Livestream
MUND TE LEXONI GJITHASHTU
