Ish--deputetja e Partisë Demokratike, Jorida Tabaku iu rikthye edhe njëherë çështjes së largimit të shqiptarëve nga vendi, që sipas saj, ndodh për shkak të keqqeverisjes.
Sipas Tabaku, në 7 vjet qeverisje të Edi Ramës janë larguar nga Shqipëria drejt vendeve të BE, 219 mijë persona, pjesa më e madhe e të cilëve të rinj.
“Shqipëria në azilkërkim. Ky është peshqeshi që u la shqiptarëve qeverisja e Ramës në këto 7 vite. Faktet janë kokëforta dhe nuk i zbeh dot asnjë formë e propagandës bajate të Rilindjes : 219 000 të larguar!
Mesatarisht 31307 shqiptarë në vit janë larguar nga vendi që nga dita kur Rama ka nisur të flasë dhe të aplikojë vizionin shterpë mbi ekonominë dhe politikën.
1 në 3 të larguar janë të rinj. Të dështuar në gjithçka, veç dëshirës për të gënjyer. Të vjetër dhe pa vizion.
Shqipëria në Punë dhe shqiptarët në shtëpinë e tyre të madhe Shqipëri. Ky është vizioni ynë, dhe për këtë do të punojmë çdo ditë me seriozitet dhe përkushtim”, shkruan Tabaku. (A2 Televizion)
A2 CNN Livestream
MUND TE LEXONI GJITHASHTU
