Presidenti i Republikës Ilir Meta i ka dërguar një letër me propozime ministres së Shëndetësisë, Ogerta Manastirliu për përballimin e situatës së krijuar në javët e fundit me pandeminë në vendin tonë.
Propozimet drejtuar ministres Manastirliu, vijnë pas takimit që kreu i shtetit zhvilloi me një grup ekspertësh të shëndetit publik dhe mjekë, ku qeveria u përfaqësua nga zv.ministri Albert Nikolla.
Pasi u njoh me shqetësimet dhe mendimet e ekspertëve për situatën aktuale, presidenti Meta i dërgoi disa propozimet Ministrisë së Shëndetësië.
Mes propozimeve kryesore Ilir Meta kërkon nga Manastirliu futjen sa më shpejt në përdorim të testeve analitikë të shpejtë, kthimin e disa spitaleve rajonale në spitale Covid, futjen në sistemin shëndetësor të pajisjes ECMO dhe një çmim favorizues për testet Covid.
Gjithashtu Kreu i Shtetit propozon shfrytëzimin e të gjitha kapaciteteve njerëzore në këtë situatë dhe pëshpejtimin e procedurave të licencimit të mjekëve.
Në fund Presidenti i Republikës kërkon që dhe vendimet që merren nga qeveria nëpërmjet Komitetit Teknik të Ekspertëve të argumentohen që të jetën bindëse për opinionin publik. (A2 Televizion)
A2 CNN Livestream
MUND TE LEXONI GJITHASHTU
