Presidenti venezuelian Nikolas Maduro tha se nuk e përjashton mundësinë e një lufte civile, ndërsa përballet me trysni në rritje për tu dorëhequr.
Në një intervistë televizive, ai paralajmëroi se presidenti amerikan Donald Trump do të largohej i gjakosur nga Shtëpia e Bardhë nëse do të ndërhynte në krizë.
Maduro refuzoi gjithashtu ultimatumin e Bashkimit Europian për mbajtjen e zgjedhjeve të parakohshme.
Lideri i opozitës, Huan Guaido u vetëshpall president i përkohshëm muajin e kaluar, pas protestave masive antiqeveritare, duke fituar mbështetjen e SHBA.
Ai tha të dielën se do të krijonte një koalicion ndërkombëtar për të adresuar krizën humanitare në Venezuelë, por Maduro e akuzoi për organizimin e një grushti shteti. (A2 Televizion)
A2 CNN Livestream
MUND TE LEXONI GJITHASHTU
