Kursimi i energjisë në Francë, dyqanet me ajër të kondicionuar të mbajnë dyert mbyllur

Dyqanet në Francë do të urdhërohet të mbajnë dyert mbyllur kur përdorin ajër të kondicionuar dhe të kufizojnë dritat e neonit. Njoftimi u bë nga qeveria që po tenton të reduktojë shpërdorimin e energjisë elektrike. Këto rregulla, që po zbatohen në disa zonë, pritet të vendosen në mbarë Francën, konfirmoi ministrja e tranzicionit ekologjik, Agnes Pannier Runacher.

Kostot e energjisë në Europë janë rritur ndjeshëm që prej luftës së nisur nga Rusia në Ukrainë. Dyqanet do të gjobiten deri në 750 euro nëse shkelin rregullin për ajrin e kondicionuar. “Të lësh derën hapur me kondicionerin ndezur, është diçka absurde”, u shpreh ajo, duke nënvizuar se të gjitha reklamat e neonit do të urdhërohen të fiken gjatë orës 1 të mëngjesit deri në 6. (A2 Televizion)