Edhe pse është përfolur shumë kohët e fundit se Elseid Hysaj mund të bashkohet me Maurizio Sarrin te Chelsea, një tjetër klub i madh europian duket se po mendon për të.
Sipas mediave italiane Interi po e sheh si alternativë mbrojtësin e kombëtares shqiptare, pasi nuk është bindur plotësisht nga Sime Vrsaljko, kroati i mbërritur në huazim nga Atletico Madrid. Zikaltrit po mendojnë që të mos e paguajnë shumën që duhet për të mbyllur blerjen.
Nënkampioni i botës u pa fillimisht si një përforcim i vlefshëm, por për shkak të dëmtimeve që ka pasur në “San Siro”, drejtuesit e klubit nuk janë të bindur.
Sipas “Tuttosport”, Marotta sheh te Hysaj një lojtar me vlerë, edhe pse në muajt e fundit nuk është aktivizuar shumë nga Ancelotti te Napoli. Shqiptari është nën kontratë ne Napolin deri në qershor 2021 dhe klauzola e prishjes së saj është 50 milionë euro, por duket se një ndarje këtë verë është e pashmangshme dhe Interi shpreson të arrijë marrëveshje për një shumë më të vogël se kjo. (A2 Televizion)
A2 CNN Livestream
MUND TE LEXONI GJITHASHTU
