Muzetë në Nju Jork që ekspozojnë vepra arti të vjedhura ose të sekuestruara nga nazistët gjatë Holokaustit tani u kërkohet me ligj që të njoftojnë publikun rreth atyre kapitujve të errët në origjinën e tyre përmes pankartave të shfaqura me objektet e vjedhura.
Ligji i ri i nënshkruar në fillim të gushtit në Nju Jork kërkon që muzetë të vendosin tabela që identifikojnë se cilat pjesë u grabitën nga nazistët nga viti 1933 deri në vitin 1945.
Ky ligj është pjesë e një pakete legjislacioni të krijuar për të siguruar që shkollat dhe publiku të vazhdojnë të edukohen për Holokaustin.
Muzeu Metropolitan i Artit në qytetin e Nju Jorkut identifikoi 53 vepra nga koleksioni i tij prej 1.5 milionë objektesh si pjesë të vjedhura, të sekuestruara ose të shitura me dhunë gjatë epokës naziste.
Muzeu Metropolitan i Artit në Nju Jork është në proces të projektimit të sinjalistikës për të qenë në përputhje me ligjin e ri të shtetit.
“Ne duhet të nderojmë kujtimin e tyre duke u bërë të ditur njerëzve se ne e kuptojmë se këto objekte kanë brenda tyre ndjenjën e një momenti tragjik që kanë kaluar” tha Andrea Bayer, zëvendësdrejtor për koleksione dhe administrim në Muzeun Metropolitan të Artit në Nju Jork..
Bayer thotë se pjesët e ekspozuara në “The Met”, duke përfshirë piktura, dorëshkrime dhe skulptura, iu kthyen pronarëve të tyre të caktuar përpara se të merreshin nga muzeu përmes dhurimit ose shitjes.
Të paktën 600,000 vepra arti u grabitën nga hebrenjtë në Luftën e Dytë Botërore, një nga mënyrat e shumta që nazistët u përpoqën të eliminonin mbetjet e kulturës dhe identitetit të tyre.
Me zbehjen e gjeneratës së fundit të të mbijetuarve të Holokaustit, pronarët origjinalë të këtyre pjesëve të artit nuk janë këtu për t'i rimarrë ato.
Dhe për trashëgimtarët, ato vepra arti mund të jenë e vetmja lidhje e prekshme me të kaluarën e tyre. (A2 Televizion)
A2 CNN Livestream
MUND TE LEXONI GJITHASHTU
