Kryeministri i Hungarisë Viktor Orban vendosi të shpallë gjendjen e jashtëzakonshme në vend si pasojë e atyre që ai i cilësoi si rreziqet e luftës në Ukrainë.
“Bota është në prag të një krize ekonomike. Hungaria duhet të qëndrojë jashtë kësaj lufte dhe të mbrojë sigurinë financiare të familjeve të saj”, u shpreh Orban në një fjalim që u kritikua nga shumë organizata, duke e lidhur me kufizime të të drejtave të njeriut.
Sipas aktivistëve, me këtë lëvizje, gjendja e jashtëzakonshme është kthyer në një normalitet për vendin, gjë që nuk duhet të ndodhë, duke kujtuar këtu dhe kufizimet e forta që u vendosën gjatë muajve të pandemisë.
Pak para shpalljes së gjendjes së jashtëzakonshme parlamenti hungarez amendoi kushtetutën për të lejuar një masë të tillë.
Masa i jep Orban më shumë liri veprimi duke e lejuar atë të kufizojë ose thjesht të pezullojë të drejtat themelore. (A2 Televizion)
A2 CNN Livestream
MUND TE LEXONI GJITHASHTU
