Tepër i fortë Kukësi për Tiranën e këtij sezoni, kryeqytetasit mundohen por në fund munde në një “Selman Stermasi” të boshatisur.
Fillimi i ndeshjes ishte pa emocione dhe u duk sikur dy ekipeve i mjaftonte barazimi, por në minutën 34 ekuilibrin e prish Vasil Shkurtaj, i gjendur i vetëm përballë portës.
Pjesa e dyte tregon vullnet nga ana e Tiranës, por jo më shumë, madje Kukësi shpërdoron disa mundësi me Rexhinaldon. Tirana ka mundësinë e artë në të 89-tën për të barazuar rezultatin, por Frashëri “hipnotizon” Imamin.
Në sekondat e fundit është sërish Shkurtaj që vulos ndeshjen me golin e dytë personal.
Një humbje e hidhur për Tiranën, sado pak e ëmbëlsuar nga barazimi i Kastriotit ndaj Partizanit.
Në ndeshjen tjetër të luajtur, Flamurtari dhe Luftëtari ndanë një pikë, e vlefshme veçanërisht për gjirokastritët tashmë më të qetë në klasifikim me 38 pikë, dy më shumë se Tirana.
Golit të bukur të Ribajt (49’) për vlonjatët iu përgjigj në minutën e fundit të lojës Realdo Fili. (A2 Televizion)
A2 CNN Livestream
MUND TE LEXONI GJITHASHTU
