
Ish-kryetarja e KQZ-së, Lefterie Luzi, shprehu shqetësim për faktin se fushata elektorale egërsohet gjithmonë e më shumë me kalimin e viteve.
“Presim që fushata të moderohet nga zgjedhjet në zgjedhje, por po ndodh e kundërta. Palët, gjithmonë shkojnë te publiku me më shumë egërsi. Duke pasur edhe kandidatë preferencialë, kemi dy fushata: të subjektit dhe kandidatit. Kandidati shkon më pranë zgjedhësit dhe shpresojmë që kjo gjë ta bëjë më llogaridhënës”, deklaroi Luzi.
“Fokusi i medias tradicionale është i lartë, por rrjetet sociale po bëjnë punën më të madhe sot. Edhe kandidatët po i përdorin më shumë. Media ka kohë të caktuar dhe monitorohet, ndërsa legjislacioni nuk i pengon rrjetet sociale”, shtoi Luzi. (A2 Televizion)