Makina të djegura, vitrina dhe dyqane të shkatërruara. Është kjo panorama pas natës së katërt të trazirave që kanë përfshirë Francën pas vrasjes së 17-vjeçarit Nahelin në Nanterre nga një oficer policie.
Më shumë se 1,300 njerëz u arrestuan gjatë natës në Francë , shumë në Paris dhe periferi, dhe një protestues 20-vjeçar vdiq pasi u rrëzua nga çatia e një supermarketi në natën e tretë të dhunës dhe trazirave.
Në Paris, një demonstratë e paautorizuar u prish dhe Place de la Concorde u evakuua. Nga trazirat u plagosën 249 policë dhe xhandarë.
Qeveria njoftoi vendosjen e mjeteve të blinduara të xhandarmërisë dhe anulon të gjitha “ngjarjet madhore”.
OKB -ja i bën thirrje Francës që "të trajtojë seriozisht problemet serioze të racizmit dhe diskriminimit social brenda forcave të rendit".
Presidenti i Republikës Emmanuel Macron, për shkak të ngjarjeve aktuale, do të shtyjë vizitën e tij shtetërore në Gjermani, siç njoftoi presidenca gjermane. (A2 Televizion)
A2 CNN Livestream
MUND TE LEXONI GJITHASHTU
