Ministrja e Shëndetësisë dhe Mbrojtjes Sociale, Ogerta Manastirliu, gjatë mbledhjes së Komisionit për Punën, Çështjet Sociale dhe Shëndetësinë ka deklaruar se qeveria shqiptare do të rrisë edhe më tej disponibilitetin e vaksinave, duke e siguruar 5 milionë vaksina deri në 2022.
“Jemi krenar për vaksinimin pasi kur ne kemi nisur vaksinimin një pjesë e vendeve në Ballkan, nuk kishin akoma asnjë vaksinë. Në vitin 2022, do të paguajmë 30 milionë dollarë për të vazhduar marrjen e vaksinave. Jemi një vend me përqindje të lartë në rajon që kemi vaksinuar qytetarë me 2 doza. Detyra e qeverisë shqiptare është që të sigurojë vaksinat që dhe ne të arrijmë planin dhe qeveria shqiptare e ka bërë dhe do vijojë ta bëjë.
Tani kemi siguruar mbi 2 milionë doza vaksina, deri në fund të vitit arrijmë 3 milionë doza dhe deri vitin e ardhshëm janë 5 milionë doza vaksine të siguruara. Pra ne jo vetëm kemi siguruar 4,4 milionë doza për popullatën target, por deri vitin e ardhshëm do të sigurojmë mbi 5 milionë vaksina, për të vijuar edhe me skenarët e tjerë”, deklaroi Manastirliu. (A2 Televizion)
A2 CNN Livestream
MUND TE LEXONI GJITHASHTU
