Mbyllen qendrat e votimit në Kosovë, ku u mbajt raundi i dytë të zgjedhjeve lokale. Procesi u zhvillua në mënyrë të kënaqshme gjatë gjithë ditës, në 575 qendrat rreth vendit.
Përballja më e fortë do të jetë sërish Prishtina. Balotazhi në Prishtinë do të jetë mes Arben Vitisë të Lëvizjes Vetëvendosje dhe Përparim Ramës së Lidhjes Demokratike të Kosovës.
Një exit poll i parë, i shpërndarë nga TV Dukagjini, i jep kandidatit të Vetëvendosje një epërsi të lehtë, 50.09, por me një marzhë shumë të ulët për të qenë domethënës.
Mbi 1.2 milionë qytetarë kishin të drejtë vote, në balotazhin e 14 nëntorit, ku do të zgjidhen kryetarët e 21 komunave. Partia që garoi në numrin më të madh të komunave ishte Lëvizja Vetëvendosje me 12 të tilla. Lidhja Demokratike e Kosovës garoi në 9 komuna, Partia Demokratike e Kosovës në 8, Aleanca për Ardhmërinë e Kosovës në 5. Në raundin e parë janë zgjedhur kryetarët e 17 komunave. (A2 Televizion)
A2 CNN Livestream
MUND TE LEXONI GJITHASHTU
