Shqipëria do të luajë me tre sulmues kundër Polonisë. Trajneri Sylvinho përzgjodhi të besuarit e tij për sfidën e orës 20:45 në eliminatoret e Euro 2024.
Nën skemën 4-3-3, në portë është vendosur Strakosha, mbrojtja në këtë ndeshje do renditet me katër, Kumbullën dhe Mihaj në qendër, teksa Balliu e Hysaj luajnë nga krahët.
Në mesfushë janë Asllani e Ramadani, me Gjasulën që i bashkohet repartit duke fituar garën me Laçin.
Kjo edhe për faktin se luftëtari mund të ndihmojë më tepër mbrojtjen dhe rreshtimi shndërrohet lehtësisht në 4-2-3-1.
Sulmi përbëhet nga debutuesi Jasir Asani dhe Myrto Uzuni nga krahët, në mbështetje te Sokol Cikalleshit. (A2 Televizion)
