Pjesë e misioneve vëzhguese për zgjedhjet e 25 prillit do të jetë edhe ENEMO, Rrjeti Evropian i Organizatave të Monitorimit të Zgjedhjeve.
Kreu i këtij ekipi, Gianluca Passarelli tregoi pikat kryesore ku do fokusohet procesi i monitorimit: “ENEMO do të vëzhgojë, vlerësojë dhe raportojë mbi gjetjet kryesore në lidhje me monitorimin e procesit të përgjithshëm zgjedhor, duke përfshirë respektimin e të drejtave demokratike të njeriut, por edhe sjelljen e organeve të menaxhimit të zgjedhjeve, fushatën nga partitë politike dhe financimin e fushatës, barazinë gjinore dhe të drejtat e pakicave kombëtare”.
Zv/shefi i misionit, Pierre Peytier, u shpreh se monitorimi nuk përfundon pas ditës së zgjedhjeve: “Misioni do të qëndrojë për një periudhë 2-mujore për të ndjekur përgatitjet për organizimin e deri në ditën e zgjedhjeve. Ekipi ynë do të qëndrojë edhe pas zgjedhjeve në mënyrë që të ndiqet i gjithë procesi, deri në shpalljen e rezultatit të zgjedhjeve”.
Rrjeti ENENO është aktivizuar edhe më parë në Shqipëri, ku ka vëzhguar zgjedhjet e vitit 2005. (A2 Televizion)
A2 CNN Livestream
MUND TE LEXONI GJITHASHTU
