Në vitin 2019, Dubai mirëpriti 16,7 milionë turistë të huaj, duke i tërhequr ata me atraksione si "Burj Khalifa", ndërtesa më e lartë e botës, si dhe me hotelin luksoz "Burj Al-Arab".
Megjithatë, së shpejti, në Dubai do të ketë edhe më shumë ndërtesa të reja të mahnitshme, që do ta bëjnë atë qytetin e së ardhmes. (A2 Televizion)
Kjo është ndërtesa më e madhe e printuar 3D në botë, me dy kate, e lartë 9.5 metra me një sipërfaqe prej 640 metra katrorë. Përfunduar në fund të vitit 2019, ndërtesa u projektua për t'i bërë ballë kushteve të vështira klimatike.
Arkitektët Wael Al Awar dhe Kenichi Teramoto, kanë krijuar një çimento me kripëra minerale, duke e shndërruar Dubain, padyshim, në një vatër të risive arkitektonike. 
Rrokaqielli, "Wasl Tower", ndërtuar në një fasadë qeramike do të përdorë materiale me bazë argjile dhe pllaka që do të sigurojnë hije nga nxehtësia e ashpër e Dubait. 
Kulla tregtare, O-14, e mbuluar me beton që mbron pjesët e brendshme të kullës, të cilat janë ndërtuar kryesisht pa kolona . 
Pavijoni i Holandës do të jetë një mjedis natyror i mbyllur që do të përdorë energjinë diellore. Në të do të kultivohen perime të ndryshme dhe kërpudha. 
Muzeu i së Ardhmes, është realizuar përmes mjeteve të përpunuara dhe të kontrolluara nga kompjuteri, për të krijuar më shumë se 1000 forma që mbështesin sistemin e çelikut në fasadë. 
Kulla Indeks, 326 metra e lartë, qëndron në një kënd të veçantë nga pjesa tjetër e ndërtesave përreth, kjo për të zvogëluar sasinë e nxehtësisë që thith nga dielli. 
Dubai Opera, një homazh për historinë e detarëve të rajonit, e krijuar edhe sipas stilit tradicional vendas, ka një teatër, një sallë koncertesh dhe një hapësirë ekspozite. 
“Burj Khalifa” ka qenë ndërtesa më e lartë në botë për më shumë se një dekadë. Një numër i madh teknikash janë përdorur në ndërtimin e saj . 
Kulla "Ocean" ishte qiellgërvishtësi më i gjatë gjarpërues në botë, kur u hap në 2010. Projektuar nga arkitektët Aedas, me 83 kate që arrinin një lartësi prej 310 metrash. 
Kulla “Cayan”, e projektuar nga Skidmore, Owings dhe Merrill. Kjo kullë gjarpëruese ishte vetëm 4 metra më e ulët se kulla “Ocean”, kur u hap në 2013.
A2 CNN Livestream
MUND TE LEXONI GJITHASHTU
