Në pritje të një fanelle titullari me Juven, Vrioni entuziazmon me golat e tij në stërvitje

Ëndrra për të luajtur me Juventusin në mënyrë të vazhdueshme nuk e ka braktisur sulmuesin e Kombëtares shqiptare, Giacomo Vrioni.

Kuqeziu 21-vjeçar ka debutuar sezonin e kaluar ndaj Romës, dhe pikërisht ndaj ekipit kryeqytetas Juventusi do të ndeshet në javën e dytë të sezonit të ri.

Pamjet e shpërndara nga vetë rrjetet sociale të ekipit kampion të Italisë tregojnë një formë të mirë të shqiptarit, që stërvitet si i barabartë me lojtarë kalibri si  Cristiano Ronaldon, Dybala, Ramsey dhe Kulusevski, si dhe blerja e re  Alvaro Morata, nën vrojtimin e trajnerit Andrea Pirlo.  

Madje video mbyllet pikërisht me një gol të shqiptarit, dhe shkakton jo pak entuziazëm në qendrën stërvitore bardhezi. (A2 Televizion)