Shteti simbol i diellit në Shtetet e Bashkuara të Amerikës, Kalifornia është pushtuar nga një stuhi e ftohtë, e cila nuk ishte parë që prej vitit 1989.
Reshje të dendura bore u shënuan në disa rajone, mes të cilave dhe Los Anxhelos, ku pritet që trashësia e borës në ditët në vijim të shkojë deri në 2.4 m në pjesën malore.
Pushtimi i ftohtë më Kaliforni vjen pasi pjesë të juglindjes së SHBA-së u zhytën në një valë të nxehti rekord.
Paralajmërimi për stuhinë e dimrit është në fuqi për malet bregdetare të kontesë Ventura dhe malet e qarkut të Los Anxhelosit nga e premtja herët deri të shtunën.
Të enjten, shkollat në veriperëndim të shtetit u mbyllën për shkak të të ftohtit, pasi shumë njerëz u gjetën të papërgatitur me këtë situatë.
Erërat e forta shkulën një pemë, e cila ra në një shtëpi në Bay Area të Kalifornisë, duke lënë një fëmijë njëvjeçar në gjendje kritike. (A2 Televizion)
A2 CNN Livestream
MUND TE LEXONI GJITHASHTU
