Policia shkencore, pas hapjes së aparateve celularë të të arrestuarve për vrasjen e Behar Sofisë, ka zbardhur dhe komunikimet mes tyre.
Veç bisedave të shkurtra, ajo që bie në sy janë dhe pseudonimet që ata kanë zgjedhur për njëri-tjetrin. Kështu, Leonard Xhixha, personi i cili ishte në rolin e vëzhguesit të viktimës, kishte ruajtur në aparatin e tij celular numrin e Bujar Lezës me pseudonimin “Qerosi”. Skënder Vathi, i cili deri në këto momente është dhe organizatori dhe porositësi i ngjarjes së rëndë, ishte regjistruar me pseudonimin “Rrakela”.
Ernejt Shyti, ndonëse në rolin e ekzekutorit, kishte marrëdhënie mjaft të ngushta me Xhuliano Vishën. Që të dy me banim në Krrabë të Tiranës, ishin rritur bashkë, ndërsa Shyti e konsideronte atë si një vëlla, edhe pse ishte Visha ai që e çoi drejt kryerjes së vrasjes.
Në aparatin e sekuestruar të ekzekutorit, numri i Xhuljano Vishës ishte regjistruar si “Vllai”. Skënder Vathi ose “Daja”, siç del në aparatet celularë të Xhuljano Vishës, ishte ruajtur dhe me emrin tjetër “Shefi”. Për të arrestuarit, shefi i vërtetë ishte Skënder Vathi, edhe pse ky takoi një person të njohur si Jemin Shera në një nga lokalet e bulevardit.
Gjatë bisedave mes të dyshuarve, prokuroria ka zbardhur dhe momentin kur ata marrin dijeni për arrestimin e Leonard Xhixhës nga mediat dhe prej aty ndërpresin komunikimet. (A2 Televizion)
A2 CNN Livestream
MUND TE LEXONI GJITHASHTU
