Qyteti i Nju Jorkut do të rihapë metronë e tij 24-orëshe, pasi e mbylli atë disa orë gjatë natës, gjatë vitit të pandemisë për ta pastruar. Lajmi u raportua nga mediat amerikane, duke cituar disa burime pranë guvernatorit Andrew Cuomo.
Rihapja do të bëhet nga 17 maji dhe përfaqëson një shenjë të re të kthimit në normalitetin e qytetit, i cili ishte epiqendra e koronavirusit në Shtetet e Bashkuara.
"Trenat e metrosë nuk kanë qenë kurrë më të pastër sesa tani," tha Cuomo të hënën.
Duke filluar nga 19 maji, shumica e kufizimeve të Covid-19 do të përfundojnë në të gjithë zonën e tre shteteve, duke përfshirë shitjen me pakicë, shërbimet e ushqimit dhe palestrat.
Restorantet, muzetë, teatrot, Broadway, shitjet me pakicë dhe dyqanet janë të përfshira të gjitha në heqjen e kufizimeve.
Në shtetin e Nju Jorkut, ora e ndalimit e ushqimit dhe pijeve në natyrë u hoq në 17 maj, tha Cuomo.
Ndalimi i ushqimit dhe pijeve në ambiente të mbyllura do të hiqen më 31 maj.
Stadiumet e mëdha të jashtme do të shkojnë në kapacitet 33% më 19 maj, sipas Cuomo.
Grumbullimet në shtetin e Nju Jorkut mund të ndodhin duke ruajtur distancën, nëse të gjithë njerëzit paraqesin prova të vaksinimit të plotë ose një test PCR negativ të fundit. (A2 Televizion)
A2 CNN Livestream
MUND TE LEXONI GJITHASHTU
