Nuk ka surpriza, Lazio dhe Atalanta e Gjimshitit bindin në të parën

Nga A2 CNN
21 Gusht 2021, 22:46 | Futboll
Nuk ka surpriza, Lazio dhe Atalanta e Gjimshitit bindin në të

Lazio dhe Atalanta e Berat Gjimshitit e kanë nisur me këmbën e mbarë javën e parë të kampionatit italian të futbollit.

Lazio fitoi me rezultatin 1-3 në transfertë përballë Empolit të sapongjitur në Serie A. Ndonëse vendasit kaluan të parët në avantazh, bardhekaltrit gjetën fuqinë të barazonin dhe ta kthenin ndeshjen që në pjesën e parë.

Atalanta e Gjimshitit triumfoi po ashtu në transfertë përballë Torinos me rezultatin 1-2. Atalanta kaloi e para në avantazh, por një gol me devijim i Bellottit në minutën e 80 krijoi idenë se ndeshja do të shkonte drejt në barazimi.

Kur mendohej gjithçka e mbyllur në minutën e 93 vjen dhe goli i Piccoli, i cili i dha ekipit të Gasperinit 3 pikët e para në këtë kampionat të saponisur. (A2 Televizion)

A2 CNN Livestream

Latest Videos