Prej javësh fakulteti i Drejtësisë i është dorëzuar protestuesve. Është i vetmi institucion i bllokuar nga një grup të rinjsh të ngujuar, ndërsa mësimi për pjesën tjetër zhvillohet në ambiente të papërshtatshme për arsimin e lartë, në një gjimnaz.
A2Cnn ka mundur të hyje në ambientet e brendshme të fakultetit të drejtësisë. Jeta universitarë këtu ka ngrirë. Nuk ka asnjë lëvizje, veç hyrje –daljeve të protestuesve nga dritaret. Të gjitha dyert e fakultetit mbahen të bllokuara nga barrikada me karrige. Refuzojnë të dalin edhe pse ende nuk kane një vendim të qartë për vijimin e protestës.
Në sallat e mëdha të leksioneve në katin e dyte, qëndrojnë studentët protestues të cilët nuk pranojnë të filmohen. Jo të gjithë janë nga fakulteti i Drejtësisë. Disa pranojnë të flasin publikisht, të tjerë nuk duan të identifikohen.
Nuk dihet kur do t’i lirojnë ambientet për shokët e tyre. Ndërkohe që në fakultetet e tjera situata i është rikthyer normalitetit.
Në fund të shkurtit nis sezoni i provimeve, ndërsa viti akademik do të zgjasë deri në fund të gushtit. (A2 Televizion)
A2 CNN Livestream
MUND TE LEXONI GJITHASHTU
