Pamje mbresëlënëse, binjakja jeton në kokën e motrës për një vit

Pamjet e skanerit të kokës janë vërtetë impresionuese. Brenda kafkës, një vajzë e vogël, vetëm një vjeçare,  mbante binjaken e saj.

Më saktësisht pjesën më të madhe të fetusit, ku duken qartësisht kolona vertebrale, gjymtyrët  dhe disa gishta. Gati e pabesueshme që për një vit asnjëri mos të kishte dyshuar se vogëloshja mbarte një sekret kaq të madh.

Ngjarja ka ndodhur në Kinë, ku fetusi për një anomali të njohur si “fetus in fetu”, krijon një qeskë të pavarur që në këtë rast është rritur në kokën e binjakes.

Fetusi nuk mbijetoi më shumë se një vit, por mjaftueshëm për t’u zhvilluar pjesërisht, në një rast të përshkruar nga Spitali Universitar Huashan në Shangai dhe të universitetit të Pekinit në revistën prestigjioze Neurology.   (A2 Televizion)