Para mijëra qytetarëve në sheshin Shën Pjetrin, të cilët në duar mbanin flamurin e Ukrainës, Papa Françesku bëri sërish thirrje që agresioni rus të ndalet duke dënuar ata që sipas tij nuk mendojë për jetën e qytetarëve, por para gjithçkaje, vendosin interesat e pushtetit.
“Të dashur vëllezër dhe motra, këto ditë na ka tronditur diçka tragjike: Lufta. Shumë herë jemi lutur që kjo rrugë të mos ndiqet. Ju ftoj të gjithëve që 2 marsi, e mërkura e hirit të jetë një ditë lutje dhe agjërimi për paqen në Ukrainë, një ditë për t'u afruar me vuajtjet e popullit ukrainas, Ata që bëjnë luftën të harrojnë njerëzimin, nuk mendojnë për njerëzit, nuk e shikojnë jetën reale të njerëzve, por besojnë në logjikën djallëzore dhe perverse të armëve, që është më larg vullnetit të Zotit dhe më larg nga njerëzit e thjeshtë që duan paqen”, u shpreh Papa.
Ati i Shenjtë bëri thirrje që të ndihmohen të gjithë refugjatët ukrainas.
“Unë mendoj për të moshuarit, për ata që kërkojnë strehim në këto orë, për nënat që ikin me fëmijët e tyre. Janë vëllezër dhe motra tona për të cilët në mënyrë urgjente duhet të hapen korridoret humanitare dhe të mirëpriten”, shtoi Papa.
4 ditë më parë Papa Françesku iu bëri thirrje iu bëri thirrje të gjitha kombeve që të ulin tensionet dhe të reagojnë me ndërgjegje ndaj situatës në Ukrainë. (A2 Televizion)
A2 CNN Livestream
MUND TE LEXONI GJITHASHTU
