Partizani ka regjistruar barazimin e dytë në miqësoret që po zhvillon në kuadër të fazës përgatitore në Antalia.
1-1 ishte rezultati përfundimtar i përballjes me Antaljasporin edhe kjo skuadër e elitës së futbollit turk.
Vendasit zhbllokuan takimin që në minutën e dytë, ndërkohë që për të kuqtë, ishte mesfushori Jurgen Bardhi ai që barazoi shifrat në fillimin e pjesës së dytë.
Partizani do të zhvillojë testin e fundit miqësor, përballë kroatëve të Dinamos së Zagrebit, në datën 14 janar.
Pozitiv mund të konsiderohet edhe paraqitja e Kukësit në barazimin 1-1 ndaj rusëve të Rostov me autor të golit mesfushorin Arbër Çyrbja. (A2 Televizion)
