Policia e Shtetit ka arritur të përftojë dy profile ADN lidhur me sulmin ndaj televizionit Top Channel, ku humbi jetën roja i sigurisë fizike Pal Kola.
Një shenjë gishti e pastër është përftuar nga pjesa e përparme e mjetit e cila nuk u dogj, ndërsa shenja tjetër në një nga gëzhojat e gjetura në mjet. Policia shkencore pritet të bëjë të mundur krahasimin e këtyre shenjave me databazën e të dhënave të saj, ndërsa gjurmët mund të krahasohen dhe jashtë vendit për persona të skeduar.
Hetimi po kryhet për akuzën e vrasjes në rrethana cilësuese në dëm të Pal Kolës dhe duke rrezikuar jetën e shumë të tjerëve.
Një tjetër hetim që kryhet është dhe mundësia e identifikimit të personave që vodhën automjetin tip Range Rover që rezulton se ka ndodhur në vitin 2020, në fshatin Tale të Lezhës, ndërsa targat e mjetit janë kallëzuar të vjedhura në Tiranë natën e ndërrimit të viteve.
Edhe pse puna për identifikimin e autorëve është përqëndruar kryesisht tek laboratori shkencor, policia ende nuk ka asnjë të dhënë konkrete për emrat e tre atentatorëve. Për këtë, policia ofron 100 mijë euro për këdo që jep informacione që çojnë në identifikimin e tyre. (A2 Televizion)
A2 CNN Livestream
MUND TE LEXONI GJITHASHTU
