Dy gjykatëse, anëtare të Gjykatës së Lartë në Afganistan, u vranë mëngjesin e së dielës në një atentat në kryeqytetin e Kabulit, një ngjarje e rëndë kjo, në një kohë kur qeveria dhe talebanët janë duke zhvilluar bisedimet për paqen në Katar.
Të dy gjyqtaret, emrat e të cilave nuk bëhen me dije, mbetën të vrara në vend, ndërsa shoferi i tyre u plagos në orët e para të mëngjesit.
Një zëdhënës i talebanëve mohoi se luftëtarët të jenë të përfshirë në këtë atentat që tronditi të gjithë Afganistanin.
Presidenti afgan Ashraf Ghani reagoi menjëherë për ngjarjen duke e dënuar ashpër sulmet ndaj civilëve nga talebanët dhe grupet e tjera militante.
Ghani tha se terrori dhe krimi nuk ishte një zgjidhje për problemin e Afganistanit dhe iu kërkoi talebanëve të pranonin një armëpushim të përhershëm.
Zyrtarët qeveritarë, gazetarë dhe aktivistë janë vënë në shënjestër muajt e fundit, duke shkaktuar frikë veçanërisht në kryeqytetin Kabul. (A2 Televizion)
A2 CNN Livestream
MUND TE LEXONI GJITHASHTU
