“Personeli në centralin bërthamor po punon nën kërcënimin e armës”

Punonjësit në centralin bërthamor Zaporizhzhia në Enerhodar po punojnë nën kërcënimin e armëve, tha kompania që drejton stacionin.

Kreu i gjeneratorit shtetëror të energjisë bërthamore Energoatom, Petro Kotin, tha se forcat ruse "hynë në territorin e centralit bërthamor, morën kontrollin e personelit dhe menaxhimin e centralit bërthamor".

Kotin tha se kompania nuk ka një lidhje të drejtpërdrejtë me stacionin dhe po merr informacion nga burimet atje.

Sipas tij, gjashtë reaktorët në central kanë karburant në secilin prej tyre, ndërsa pishinat e para-reaktorëve po ruajnë karburantin e harxhuar bërthamor, nënproduktin e rrezatuar të reaktorëve.

Kotin tha se nëse objektet bërthamore goditen nga bombardimet, kjo do të çojë në katastrofë bërthamore. (A2 Televizion)