Ndërkohë që vendet më të përparuara në botë janë në një betejë të ethshme për të miratuar vaksina të reja kundër pandemisë, dhe prodhuar masivisht ato të licencuara, në Indi gjendet prodhuesi më i madh i tyre.
Bëhet fjalë për Serum Institute, praktikisht motori që ka bërë të mundur gjenerimin e qindra miliona dozave që po shpërndahen në vendin aziatik, por edhe kudo botë.
Serum Institute, edhe pa prodhimin e vaksinave anti-Covid, radhitet te prodhuesit më të mëdhenj në botë të vaksinave, dhe llogaritet që praktikisht dy të tretat e fëmijëve në botë marrin vaksina të prodhuara në laboratorët e tyre.
Serum Institute është prodhuesi më madh i vaksinave në botë 
Nga dhjetori i kaluar, fabrika gjigante po prodhon me licencë vaksinën e krijuar nga Astra Zeneca dhe universiteti i Oksfordit 
Drejtuesit e kompanisë, familja Poonawalla, një nga më të pasurat në Indi 
Ata mund të prodhojnë rreth 100 milionë vaksina në muaj, me objektivin e arritjes së 1 miliard vaksinash brenda vitit
Nga dhjetori i kaluar, fabrika gjigante po prodhon me licencë vaksinën e krijuar nga AstraZeneca dhe universiteti i Oksfordit, i njohur në perëndim thjesht si AstraZeneca ndërkohë që në Indi ka marrë emrin Covidshield.
Ritmet janë të larta, dhe drejtuesit e kompanisë, familja Poonawalla, një nga më të pasurat në Indi, mendon që brenda prillit ata mund të prodhojnë rreth 100 milionë vaksina në muaj, me objektivin e arritjes së 1 miliard vaksinash brenda vitit.
Në Indi, rreth 36 milionë persona janë vaksinuar deri më tani, ndërkohë që planet janë për të mbrojtur rreth 300 milionë persona brenda stinës së verës.
Një shifër e lartë, por që gjithsesi do të arrijë të mbrojë vetëm një pjesë të një vendi që ka tejkaluar 1.3 miliardë banorët. (A2 Televizion)
A2 CNN Livestream
MUND TE LEXONI GJITHASHTU
