Policia e Bjellorusisë arrestoi 633 persona në protestat së dielës, që u zhvilluan kundër Presidentit Aleksandër Lukashenko.
Njoftimi erdhi nga Ministria e Brendshme me anë të një deklarate. Ndërkohë, zyrtarja e njohur opozitare, Maria Kolesnikova, është ndaluar nga disa persona të maskuar, sipas mediave lokale. Nuk dihet ende vendndodhja e saj dhe nëse ata që e ndaluan ishin pjesë e policisë.
Autoritetet ndërhyjnë vazhdimisht kundër demonstratave masive, të cilat nisën që pas zgjedhjeve presidenciale të 9 gushtit, që u konsideruan gjerësisht si të manipuluara. Njësoj si fundjavat e kaluara, edhe të dielën mijëra qytetarë pushtuan rrugët e qyteteve kryesore të Bjellorusisë duke kërkuar dorëheqjen e Lukashenkos.
Por, presidenti i cili qëndron në pushtet nga viti 1994, nuk pranon akuzat dhe kërkesën për t’u tërhequr nga politika. (A2 Televizion)
A2 CNN Livestream
MUND TE LEXONI GJITHASHTU
