Ish-kontraktori i inteligjencës amerikane, Edward Snowden, i cili zbuloi sekretet e operacioneve të mëdha të vëzhgimit të inteligjencës amerikane ka marrë shtetësinë ruse nga presidenti Putin.
39 vjeçari Snowden ka jetuar në ekzil në Rusi që kur ekspozoi programin e Agjencisë Kombëtare të Sigurisë që preku miliona amerikanë në vitin 2013.
Snowden, i cili përballet me akuza për spiunazh në SHBA, nuk ka bërë asnjë koment publik.
Në vitin 2020, mbikëqyrja e NSA e miliona të dhënave telefonike të amerikanëve u shpall e paligjshme nga Gjykata e Apelit në SHBA.
Zyrtarët e lartë të inteligjencës amerikane këmbëngulnin publikisht se NSA nuk kishte mbledhur kurrë të dhëna nga telefonat, derisa Snowden ekspozoi prova për të kundërtën. (A2 Televizion)
A2 CNN Livestream
MUND TE LEXONI GJITHASHTU
