Pasi qëndruan disa orë në radhë, me maska dhe në distancë sociale, qindra klientë, adhurues të produkteve Apple, janë të parët që mundën të blejnë telefonin e ri iPhone 12.
Edhe pse në kohë pandemie, në dyqanin e Apple në Shangai radha për një telefon të ri ishte kilometrike, me Kinën që njihet tashmë si tregu më i madh në botë për produktet Apple.
Klientët thonë se e blejnë për shkak të mundësisë për përdorimin e rrjetit 5G, të tjerë thonë se adhurojnë funksionet e telefonit të ri, që në versionin iPhone 12 Pro, vjen me 3 kamera dhe shumë opsione të reja.
Vetëm javën e shkuar, Apple prezantoi telefonin më të ri, me cmimin fillestar 799 dollarë, që konsiderohet si dhurata më e mirë për të dashurit, në këtë periudhë pandemie dhe krize globale, e që pritet të nxisë fitime marramendëse për kompaninë amerikane, deri në muajin dhjetor. (A2 Televizion)
A2 CNN Livestream
MUND TE LEXONI GJITHASHTU
