Në Krujë vijon të këtë rritje të numrit të të prekurve me COVID-19. Vetëm sot u regjistruan 5 raste të reja duke e çuar totalin në 81. Për mjekun radiolog Ardian Mata, i cili punon pikërisht në atë qytet, situata po bëhet gjithmonë më e rëndë, dhe rrezikon një paradoks.
“Me shtimin e tamponëve janë shtuar shumë edhe rastet, në veçanti të atyre që punojnë në fasoneri dhe familjarëve të tyre. Në Shqipëri kurba e infeksionit po bie, ndërkohë që në Krujë po rritet”, thotë Mata, i cili shton se emergjente është edhe situata e karantinimit, ku mungojnë sipas tij udhëzime të qarta.
Por mjeku denoncon edhe një fakt tjetër, që mund të ndryshojë kalendarin e infektimit të virusit në Shqipëri.
“Çdo vit kemi viroza, dhe personat i drejtohen radiologut. Por shumë imazhe që kemi parë në janar dhe në fillim të shkurtit janë pothuajse identike me ato që po gjykohen si pozitive nga COVID-19, me dëmtime pulmonare që nuk rezultojnë në virozat e tjera”, deklaroi mjeku.
Edhe pse epidemiologët në Tiranë mohojnë një mundësi të tillë, Mata thotë se “ata duhet të paraqesin argumente, se unë si imazherist i kam të ngulitura ato imazhe”, duke shtuar se në shumë spitale të rretheve pamje imazherike të tilla nuk janë vlerësuar ashtu siç duhej. (A2 Televizion)
A2 CNN Livestream
MUND TE LEXONI GJITHASHTU
