Një ngjarje e rëndë është regjistruar mbrëmjen e sotme në Tetovë, ku është gjetur pa shenja jete një vajzë e re, dyshohet studente e vitit të katërt me origjinë nga Kosova.
Sipas informacioneve paraprake, rreth orës 18:30, banorë të lagjes pas Tregut të Gjelbër kanë njoftuar policinë për trupin e pajetë të gjetur në parkingun e një ndërtese banimi. Autoritetet kanë mbërritur menjëherë në vendngjarje dhe kanë rrethuar zonën, ndërsa ekipet hetimore po mbledhin prova dhe dëshmi për të përcaktuar shkaqet e vdekjes, shkruan A2 CNN.
Ende nuk dihet nëse bëhet fjalë për vrasje, vetëvrasje apo aksident, pasi hetimet janë në fazën fillestare.
Në një reagim zyrtar, Ambasada e Republikës së Kosovës në Shkup konfirmoi se është njoftuar nga policia rajonale e Tetovës për rastin dhe ka vendosur kontakt të drejtpërdrejtë me autoritetet lokale, duke ndjekur nga afër zhvillimin e hetimeve. (A2 Televizion)
A2 CNN Livestream
MUND TE LEXONI GJITHASHTU
