Është përkeqësuar bilanci i viktimave nga zjarri në një klub nate në Maqedoninë e Veriut muajin e kaluar. Autoritetet vendase bënë të ditur një ditë më parë se një viktimë e plagosur rëndë nga djegia vdiq gjatë trajtimit në Lituani, duke e çuar në 60 numrin e viktimave nga zjarri.
“Fatkeqësisht, sot në mëngjes mora lajmin e keq se një pacient, i cili ishte në mesin e katër të lënduarve më në gjendje kritike, ka ndërruar jetë”, tha një ditë më parë ministri i Shëndetësisë i Maqedonisë së Veriut, Arben Taravari.
Pacienti kishte pësuar djegie duke mbuluar gati 40% të trupit të tij dhe vdiq pasi zhvilloi një infeksion dhe kishte përjetuar dështim të veshkave, sipas Taravarit.
Zjarri më 16 mars, i cili vrau kryesisht të rinj në një klub nate në Koçan dhe la gati 200 njerëz të plagosur, dyshohet se shpërtheu nga fishekzjarrët.
Klubi i natës “Pulse” u zbulua më vonë nga autoritetet se kishte shkelje të shumta të sigurisë dhe licencimit.
Tridhjetë e katër persona janë në paraburgim për zjarrin, duke përfshirë një ish-ministër të Financave dhe shtatë oficerë të lartë policie. Prokurori i shtetit Ljupço Kocevski tha se të dyshuarit po hetoheshin për vepra që parashikojnë dënime deri në 20 vjet burg, nëse shpallen fajtorë.
Autoritetet në Maqedoninë e Veriut mbyllën muajin e kaluar dhjetëra klube nate dhe vende argëtimi pas zjarrit.
Disa protesta janë zhvilluar në të gjithë vendin si dhe në Greqinë fqinje, me demonstruesit që bëjnë thirrje për drejtësi për vdekjet.
(A2 Televizion)
A2 CNN Livestream
MUND TE LEXONI GJITHASHTU
