Foto ilustruese, Këshilli i Sigurimit të OKB
Ka nisur takimi i Këshillit të Sigurimit të Kombeve të Bashkuara, ku do të diskutohet mbi situatën aktuale në Venezuelë.
Sipas mediave të huaja, në rendin e ditës për takimin e jashtëzakonshëm është listuar diskutimi i "kërcënimeve ndaj paqes dhe sigurisë ndërkombëtare".
Kjo mbledhje vjen pasi dy ditë më parë, ushtria amerikane, me urdhër të Presidentit Donald Trump, nisi një aksion në Venezuelë, i cili përfundoi me arrestimin e udhëheqësit të vendit, Nicolas Maduro, shkruan A2 CNN.
Lidhur me këtë zhvillim ka pasur reagime të shumta ndërkombëtare, ku shumë shtete kanë mbështetur aksionin e Trump dhe shumë shtete të tjera e kanë kundërshtuar atë. (A2 Televizion)