Kryeministri izraelit, Benjamin Netanyahu, i ka paraqitur presidentit një kërkesë për falje, duke argumentuar se procesi shumëvjeçar për korrupsion po e pengon në qeverisje.
Ai këmbëngul se është i pafajshëm dhe se gjyqi do të përfundonte me shpalljen e tij të pastër, shkruan A2 CNN.
Netanyahu u bëri thirrje kundërshtarëve dhe mbështetësve që ta përkrahin këtë hap “për të mirën e vendit”.
“Të dashur qytetarë të Izraelit. Unë jam zgjedhur në zgjedhje demokratike dhe kam marrë besimin tuaj për të vazhduar të qeveris si kryeministër i Izraelit dhe para së gjithash, (më lejoni) të realizoj këto qëllime historike. Për këto arsye, avokatët e mi paraqitën sot një kërkesë për falje te presidenti. Pres që kushdo që dëshiron të mirën e vendit ta mbështesë këtë hap.
Interesi im personal ka qenë, dhe mbetet ende, të vazhdoj me procesin (ligjor) deri në fund, deri në shpalljen e pafajësisë të plotë për të gjitha akuzat. Por realiteti i sigurisë dhe ai politik, interesi kombëtar, kërkojnë ndryshe.
Shteti i Izraelit përballet me sfida të mëdha përkrah mundësive të mëdha. Për të larguar kërcënimet dhe për të realizuar mundësitë, kërkohet një unitet kombëtar. Vazhdimi i gjyqit na përçan nga brenda, nxit debate të ashpra dhe thellon përçarjet. Jam i sigurt, ashtu si shumë të tjerë ndër popull, që përfundimi i menjëhershëm i gjyqit do të ndihmojë shumë në uljen e tensioneve dhe në promovimin e një pajtimi të gjerë që vendi ynë e ka kaq shumë të nevojshëm”, është shprehur Netanyahu në kërkesën e tij. (A2 Televizion)
A2 CNN Livestream
MUND TE LEXONI GJITHASHTU
