Një alarm urgjent sigurie ka shkaktuar shqetësim mes banorëve në Dubai, pasi shumë qytetarë kanë raportuar se kanë marrë një njoftim paralajmërues në telefonat e tyre celularë rreth orës 17:00 më 4 maj 2026.
Sipas mesazhit të shpërndarë, thuhej se “për shkak të situatës aktuale, ekziston mundësia e kërcënimeve të mundshme”, duke i këshilluar qytetarët të marrin masa mbrojtëse dhe të kërkojnë strehim në ndërtesa të sigurta, shkruan A2 CNN.
Alarmi u përhap shpejt dhe shkaktoi reagime në rrjetet sociale, ku shumë përdorues shprehën shqetësim për situatën e sigurisë në Emiratet e Bashkuara Arabe.
Deri në këtë moment, autoritetet nuk kanë dhënë detaje zyrtare mbi natyrën e paralajmërimit apo nëse ka një rrezik konkret dhe të menjëhershëm. Megjithatë, thuhet se masat e sigurisë mbeten në fuqi dhe qytetarëve u është bërë thirrje të ndjekin vetëm njoftimet zyrtare. (A2 Televizion)
A2 CNN Livestream
MUND TE LEXONI GJITHASHTU
