Narrativa për Iranin si një "kërcënim ekzistencial" është e rreme dhe përdoret nga Izraeli për të "justifikuar agresionin dhe për të fshehur krimet e luftës të Izraelit", tha ambasadori i Iranit në Mbretërinë e Bashkuar.
Sipas mediave të huaja, duke iu përgjigjur pyetjeve të deputetëve të Mbretërisë së Bashkuar, Seyed Ali Mousavi tha: "Le të mos harrojmë, Izraeli është regjimi i vetëm në rajonin tonë me armë bërthamore”.
"Ajo refuzoi të bashkohej me NPT-në (Traktatin për Mospërhapjen e Armëve Bërthamore) dhe t'i vendoste objektet e tij nën mbrojtjet e IAEA-s (Agjencia Ndërkombëtare e Energjisë Atomike). Ka sulmuar pothuajse të gjithë fqinjët e tij dhe vazhdon të kryejë mizori pa pasoja", tha ai më tej.
Ai u pyet gjithashtu nëse Irani me sa duket ka qenë duke pasuruar uraniumin në 60%, shumë mbi pragun e nevojshëm për përdorim civil, shkruan A2 CNN.
Mousavi këmbënguli se kjo ishte për qëllime paqësore dhe i ishte deklaruar IAEA-s.
"Nuk ka asnjë qëllim nga ana jonë... për të pasuruar uraniumin deri në nivelin e bombës bërthamore", tha ai.
Mousavi komentoi gjithashtu mbi përgjigjen e Iranit ndaj sulmeve izraelite: "Irani do të vazhdojë të veprojë brenda kuadrit të së drejtës ndërkombëtare. Ne do ta mbrojmë veten në mënyrë të ligjshme dhe proporcionale."
Ai tha se përparësia e parë e Iranit është diplomacia.
Kujtojmë se Izraeli vlerësohet të ketë një rezervë bërthamore prej afërsisht 90 kokash bërthamore, sipas një dokumenti të bibliotekës së Dhomës së Komunave, i cili thotë se statusi i tij si armatim bërthamor është "i njohur universalisht". Megjithatë, Izraeli nuk e ka konfirmuar ose mohuar kurrë zotërimin e një aftësie të tillë. (A2 Televizion)
A2 CNN Livestream
MUND TE LEXONI GJITHASHTU
