Ish-kancelarja gjermane, Angela Merkel, e ka përshkruar Donald Trump si “të magjepsur nga Putini” në kujtimet e saj të reja.
Sipas mediave të huaja, në librin e saj ‘Liria’, Merkel shkroi për presidentin e zgjedhur: “Ai ishte padyshim shumë i magjepsur nga presidenti rus.
“Në vitet që pasuan pata përshtypjen se politikanët me tipare autokratike dhe diktatoriale e mahnitën atë”, shkruan Merkel.
Ajo gjithashtu e përshkroi Vladimir Putin si dikë që "ishte gjithmonë në roje për të shmangur trajtimin e keq" dhe "gjithmonë i gatshëm për lojërat e pushtetit me qentë dhe duke i bërë të tjerët ta prisnin".
"Mund t'ju duket e gjithë kjo fëminore, e dënueshme. Mund të tundni kokën për të. Por kjo nuk e hoqi Rusinë nga harta," tha Merkel.
Putin dikur e çoi labradorin e tij të zi ‘Koni’ në një takim me kancelaren e atëhershme gjermane, e cila i ka frikë nga qentë.
Ajo tha gjithashtu se udhëheqësi i Kremlinit "nuk ishte i interesuar në ndërtimin e strukturave demokratike apo prosperitet për një ekonomi që funksionon mirë në vendin e tij apo gjetkë".
“Përkundrazi, ai donte të kundërshtonte faktin se SHBA kishin dalë fitimtare nga Lufta e Ftohtë”, tha ajo, shkruan A2 CNN.
"Ai dëshironte që Rusia të mbetej një pol i domosdoshëm në një botë shumëpolare pas përfundimit të Luftës së Ftohtë. Për ta arritur këtë, ai u mbështet kryesisht në përvojën e tij në shërbimet e sigurisë." (A2 Televizion)
A2 CNN Livestream
MUND TE LEXONI GJITHASHTU
