Ukraina ka marrë pjesën e parë të fondeve me vlerë 1 miliard dollarë (774 milion £) nga Britania e Madhe, të marra nga të ardhurat e aseteve të ngrira ruse, sipas kryeministrit të vendit.
Sipas mediave të huaja, Denys Shmyhal thotë: “Fondet do të shkojnë për forcimin e aftësive mbrojtëse të Ukrainës”.
“Ne presim që të gjitha asetet sovrane të Federatës Ruse të konfiskohen dhe transferohen për të mirën e vendit tonë në të ardhmen”, tha Shmyhal më tej, shkruan A2 CNN.
Kujtojmë se vendimi për ngrirjen e aseteve ruse erdhi pas nisjes së luftës në Ukrainë në shkurt të vitit 2022, kur Rusia nisi agresionin e pajustifikuar ndaj fqinjit të saj perëndimor.
Kujtojmë se Presidenti i SHBA-ve, Donald Trump, ka premtuar se do të punojë për arritjen e paqes mes Rusisë e Ukrainës, duke zhvilluar diskutime me të dyja palët.
Deri më tani nuk është arritur diçka konkrete, megjithëse bisedimet janë në vazhdim, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
