Të paktën 19 persona, duke përfshirë 10 fëmijë të moshës 4 deri në 16 vjeç, vdiqën pas përmbysjes së një autobusi në një urë në Managua të Nikaraguas. Lajmi bëhet i ditur në faqen zyrtare të qeverisë, sipas të cilës 40 persona të tjerë u plagosën.
Zëvendëspresidentja Rosario Murillo, gruaja e Presidentit Daniel Ortega, tha për televizionin shtetëror Channel 4, se në autobus ndodheshin rreth 70 persona, kur shoferi humbi kontrollin e automjetit dhe u përmbys.
"Ne jemi thellësisht të tronditur nga kjo fatkeqësi", tha Murillo.
Sipas mediave, policia ka arrestuar drejtuesin e mjetit i cili po tentonte të arratisej menjëherë pas aksidentit.
Autobusi i mbushur me njerëz po udhëtonte nga Ëaslala në Matagalpa në veri të vendit kur shoferi humbi kontrollin mbi automjetin.
Vitin e kaluar, një aksident rrugor në një rrugë migracioni për në SHBA në veri gjithashtu vrau 16 persona, përfshirë 13 venezuelas.
(A2 Televizion)
A2 CNN Livestream
MUND TE LEXONI GJITHASHTU
