Google është gjobitur me 2.95 miliardë euro nga Bashkimi Europian për abuzim me pushtetin e saj në sektorin e teknologjisë së reklamave. Bëhet fjalë për teknologjinë që përcakton se cilat reklama duhet të vendosen në internet dhe ku.
Komisioni Europian tha të premten se gjigandi i teknologjisë kishte shkelur ligjet e konkurrencës duke favorizuar produktet e veta për shfaqjen e reklamave online, në dëm të rivalëve.
“Google tani duhet të paraqesë një zgjidhje serioze për të adresuar konfliktet e interesit dhe nëse nuk arrin ta bëjë këtë, ne nuk do të hezitojmë të vendosim zgjidhje të forta. Tregjet digjitale ekzistojnë për t'i shërbyer njerëzve dhe duhet të bazohen në besim dhe drejtësi”, tha në një deklaratë Komisionerja e Konkurrencës e BE-së, Teresa Ribera.
Ky vendim vjen në mes të tensioneve serioze tregtare me administratën amerikane mbi rregullimin e teknologjisë. (A2 Televizion)
A2 CNN Livestream
MUND TE LEXONI GJITHASHTU
